په نیمروز ولایت کې د معلولیت لرونکو کسانو لپاره د ځانګړو زده کړو یو باب لېسه پرانیستل شوه

media_admin
شنبه ۱۴۰۴/۶/۲۹ - ۱۱:۵۳

د تخنیکي او مسلکي زده کړو ادارې په نیمروز ولایت کې د اوریدلو او لید معلولیت لرونکو کسانو لپاره د ځانګړو زده کړو یو باب لېسه جوړه کړه.

ددې مرکز په پرانیست غونډه کې د تخنیکي او مسلکي زده کړو د لویدیځ زون رئیس او د نیمروز مرستیال والي په شمول یو شمیر نورو سیمه ایزو مقاماتو هم ګډون درلود.

دا ښوونیز مرکز د نیمروز ولایت د تخنیکي زده کړو آمریت په چوکاټ کې د امیر المومنین حفظه‌الله د فرمان او د تخنیکي او مسلکي زده کړو ادارې د رهبرۍ د دوامداره هلو ځلو پر بنسټ جوړ شو. چې موخه یې په ټولنه کې د معلولیت لرونکو وګړو لپاره د مساوي ښوونیزو فرصتونو برابرول، د ظرفیت لوړول او د هغوی پیاوړتیا ده.

د نیمروز ولایت مرستیال والي ددې لیسې په پرانیست غونډه کې د وینا پرمحال د دیني او عصري علومو د ترویج پر ارزښت ټینګار وکړ.

په وروستیو کلونو کې، د ټولنې ټولو قشرونو، په ځانګړي توګه معلولیت لرونکو کسانو لپاره د حرفه‌اي او مسلکي زده کړو د زمینې برابرول د تخنیکي او مسلکي زده کړو ادارې د لومړیتوبونو څخه ګڼل کېږي.

په نیمروز ولایت کې د تخنیکي او مسلکي زده کړو ادارې د مسؤلینو په وینا، د معلولیت لرونکو کسانو ته د ځانګړو زده کړو لیسې جوړول د ټولنې د محرومو قشرونو ترمنځ د مهارتونو او د سواد کچې د لوړولو لپاره د یو جامع پروګرام برخه ده.

تازه خبرونه

یکشنبه ۱۴۰۵/۸/۲۴ - ۱۶:۱۵
Background image

د تخنیکي او مسلکي زده‌کړو ادارې د کارکوونکو لپاره د ظرفیت لوړونې پروګرام جوړ شو

د تخنیکي او مسلکي زده‌کړو ادارې د کارکوونکو چارو ریاست د کارکوونکو د ظرفیت لوړولو او د مسلکي مهارتونو د پیاوړتیا په موخه، د ادارې د نویو ګومارل شویو کارکوونکو لپاره د کمپیوټري. . .

شنبه ۱۴۰۵/۸/۲۳ - ۱۵:۲۱
Background image

د مجاهدینو د روزنې لپاره د ادارې او مدیریت څانګې تعلیمي نصاب بیاکتنه وشوه

د تخنیکي او مسلکي زده کړو ادارې د تعلیمي نصاب ریاست مسؤلین وایي، چې د مجاهدینو د روزنې لپاره د ادارې او مدیریت څانګې د تعلیمي نصاب د بیاکتنې او پراختیا بهیر، د کابل پوهنتون له استادانو. . .

شنبه ۱۴۰۵/۸/۱۶ - ۱۳:۴۸
Background image

د تخنیکي او مسلکي زده‌کړو ادارې د دعوت او ارشاد ریاست له لوري اصلاحي غونډه جوړه شوه

د هېواد یوه دیني عالم، محترم مولوي هدایت‌الله، په یوه ښوونیزه غونډه کې د حضرت عمر فاروق (رضی‌الله‌عنه) د حکومتولۍ د څرنګوالي او په اسلامي نظام کې د کارکوونکو د مسؤلیتونو او مکلفیتونو په. . .

BACK TO NEWS