د تخنیکي او مسلکي زده کړو ادارې لخوا د سیرت النبي ﷺ سیالۍ ترسره شوه
د تخنیکي او مسلکي زده کړو ادارې لخوا د اسلام ستر پیغمبر ﷺ د ژوندانه او سیرت څخه د یادې ادارې د کارمندانو او محصلینو د پوهاوي کچې د لوړولو په موخه د سیرت النبیﷺ سیالي ترسره شوه.
دغه پروګرام، په کابل ښار کې د تخنیکي او مسلکي زده کړو ادارې د ښوونیزو مرکزونو د کارمندانو او محصلینو ترمنځ ترسره شو، چې په یادې سیالۍ کې شاوخوا ۷۰۰ تنه کسانو برخه اخیستې وه.
دغهراز ددې سیالۍ ګډونوال وايي چې د داسې پروګرامونو ترسره کیدل ځوانانو ته زمینه برابروي چې د رسول الله صلی الله علیه وسلم د ژوندانه او سیرت په اړه ډیر څه زده کړي.
په ورته وخت کې مسؤلینو هم په دې آزموینه کې د پوره شفافیت د ډاډ ورکولو ترڅنګ ژمنه وکړه چې د سیالۍ غوره ګډونکوونکو ته به ډالۍ هم په پام کې ونیول شي.
