د پکتیکا ولایت د محبوسینو لپاره د موټرسایکل ترمیم لنډ مهاله روزنیز پروګرام پیل شو
د تخنیکي او مسلکي زده کړو ادارې د پکتیکا ولایت د محبوسینو او په نشه یي توکو روږدو کسانو ته د موټرسایکل ترمیم لنډ مهاله روزنیز پروګرام پیل کړ.
دغه پروګرام د پکتیکا د محبس د یو شمیر بندیانو او په نشه یی توکو روږدو کسانو لپاره جوړ شوی، چې دې پروګرام د پیلولو موخه د بندیانو او په نشه یي توکو د روږدو کسانو د پوهې کچې لوړول او د کاري زمینې رامنځته کول دي.
د دغه پروګرام ګډونکوونکو هم د تخنيکي او مسلکي زده کړو ادارې له دغه اقدام څخه خوښي څرګنده کړه او د یادې ادارې له مسوولينو يې وغوښتل چې دغه شان پروګرامونو ته لاهم دوام ورکړي.
ده په داسې حال کې ده چې اوس مهال تخنيکي او مسلکي زده کړو ادارې د هیواد په یو شمیرولايتونو په محبسونو کې د بنديانو او په نشه يي توکو د روږدو کسانو لپاره لنډ مهاله ښوونيز پروګرامونه په لاره اچولي دي او عملا جریان لري.
