د کارمندانو لپاره تعلیمي او تحصیلي نظارت او ارزونې په برخه کې روزنه ورکړل شوه
د تخنیکي او مسلکي زده کړو ادارې اړوند د تعلیمي او تحصیلي څارنې او ارزونې ریاست کارکوونکو ته د تعلیمي او تحصیلي چارو د ارزونې او نظارت د څرنګوالي په اړه روزنه ورکړل شوه.
نوموړو ته د یوې درسي غونډې په ترڅ کې د تخنیکي او مسلکي زده کړو مرکزونو د تعلیمي او تحصیلي چارو د نظارت او ارزونې په برخه کې په مفصله توګه روزنه ورکړل شوه.
د تعلیمي او تحصیلي نظارت او ارزونې ریاست کارکوونکي د تخنیکي او مسلکي زده کړو مرکزونو له لیدنې او ارزونې وروسته؛خپلې موندنې د ښه اجراآتو په موخه د تخنیکي او مسلکي زده کړو ادارې له مسوولینو سره شریکې کړې.
