د جیوډیزي او ساختماني انسټيټوټ محصلینو د افغان ملي ماڼۍ څخه لیدنه وکړه
د کابل ولایت د جیوډیزي او ساختماني انسټيټوټ محصلینو د یوه علمي سفر په ترڅ کې له افغان ملي ماڼۍ څخه چې تر اوسه یې د جوړونې پروسه تر کار لاندې ده، لیدنه وکړه.
نوموړو په یادې درسي جلسه کې په بیلابیلو ساختماني موضوعاتو لکه، د ساختماني موادو د کارولو څرنګوالی، لیول کول او د ساحې سروې کولو په اړه روزنه ترلاسه کړه.
د تخنیکي او مسلکي زده کړو په مرکزونو کې د روزنې لویه برخه عملي له همدې امله د تخنیکي او مسلکي زده کړو د مرکزونو فارغان په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر لا پياوړتيا ټينګار کوي.
