«هنز دوبي» د تخنیکي او مسلکي زده کړو ادارې له مسؤلینو سره لیدنه وکړه
![tveta](/sites/default/files/2024-03/tveta4.jpg)
«هنز دوبي» د جرمني هېواد تقاعد شوو لپاره د پالیسۍ د پراختیا حقوقي ارشد مشاور، د تخنیکي او مسلکي زده کړو ادارې، د پلان او ستراتیژیکو همغږیو له رئیس، مولوي نېک محمد نېکمل سره لیدنه او خبرې اترې وکړې.
په دغه لیدنه کې د افغان ـ جرمن انجمن او همدارنګه د افغان جرمن خونې مسؤلینو حضور درلود.
د دغه خبرو اترو اساسي محور، د تخنیکي او مسلکي زده کړو په اداره کې د «جي آی زیډ» مؤسسې بیا فعالېدل ګڼل شوي دي.
په همدغه ناسته کې د پلان او ستراتيژیکو همغږیو رئیس د تخنیکي او مسلکي زده کړو ادارې او د هغه د موخو به هکله جزئیات وړاندې کړل.
همدارنګه نوموړی به دغه ناسته کې د تخنیکي او مسلکي زده کړو په اداره کې د «جي آی زید» مؤسسې د بیا فعالېدو غوښتنه وکړه.
د جرمني هېواد د تقاعد شوو لپاره حقوقي مشاور وعده ورکړه چې د «جي آی زید» مؤسسې له مسؤلانو سره به خبرې اترې کوي، ترڅو هغوی تشویق کړي چې په افغانستان، په ځانګړې توګه د تخنیکي او مسلکي زده کړو په اداره کې یوځل بیا خپل فعالیتونه پیل کړي.
له بل پلوه د افغان ـ جرمن انجمن رئیس په دغه ناسته کې د حرفوي زده کړو په برخه کې د تخنیکي او مسلکي زده کړو ادارې سره د همکارۍ وعده وکړه.