د تخنیکي او مسلکي زده کړو ادارې پلاوي د هلمند تخنیکي او مسلکي زده کړو مرکزونو څخه لیدنه وکړه
د تخنيکي او مسلکي زده کړو ادارې پلاوى د ولایتونو تخنیکي او مسلکي زده کړو مرکزونو څخه د لیدنې په لړ کې، هلمند ولایت ته سفر وکړ او د یاد ولایت تخنیکي مرکزونو عمومي وضعیت یې وڅيړه.
په ورته وخت کې نوموړي پلاوي د کرنې او وترنرۍ او همدارنګه د هلمند ادارې او حسابدارۍ انسټیټونو وضعیت وڅېړه.
نوموړي پلاوي د کرنې او وترنرۍ د انسټیټوټ څېړنیزو فارمونو او د ادارې او حسابدارۍ انسټیټوټ له کتابتون څخه هم لیدنه وکړه او مسؤلینو ته یې د چارو د ښه والي په اړه لازمې لارښوونې هم وکړې.
دغه پلاوي تر دې مخکې د تخنیکي او مسلکي چارو مرستیال ښاغلي مولوي غلام سعید احساس په مشرۍ د میدان وردګو، غزني، زابل او کندهار ولایتونو ته هم سفرونه کړي دي.
