د پلان رئیس د کاتب پوهنتون له مسئولینو سره د هوکړه لیک موادو په اړه خبرې اترې وکړې
د تخنيکي او مسلکي زده کړو ادارې د پلان او ستراتيژيکي همغږۍ رئيس مولوي نېک محمد نېکمل د کاتب خصوصي پوهنتون د علمي او محصلينو چارو له مرستيالانو سره وکتل.
په دغې ناسته کې د تخنیکي او مسلکي زده کړو ادارې او د کاتب پوهنتون ترمنځ د همکاریو د هوکړه لیک پر برخو او موادو خبرې وشوې.
په پام کې ده چې د تخنیکي او مسلکي زده کړو اداره له کاتب پوهنتون سره د ظرفیت د لوړولو، تعلیمي نصاب، د کیفیت د تضمین او د معیاري انسټیټوټ د جوړولو په برخو کې یو هوکړه لیک لاسلیک کړي.
په نننۍ غونډه کې پريکړه وشوه چې هوکړه لیک مسوده به په راتلونکې غونډه کې نهايي شي.
