د پلان او ستراتیژیکي همغږۍ رئیس د صنعت او سوداګرۍ وزارت د واحدو خدمتونو رئیس سره وکتل
د تخنیکي او مسلکي زده کړو ادارې د پلان او ستراتیژیکي همغږۍ رئیس مولوي نیک محمد نیکمل د صنعت او سوداګرۍ وزارت د واحدو خدمتونو له رئیس عطا محمد همت سره وکتل.
په دغه لیدنه کې د تخنیکي او مسلکي زده کړو مرکزونو ته د جواز ورکولو د پروسې د ساده کولو او د همکاریو د هوکړه لیک په ګډون پر بېلابېلو موضوعاتو خبرې وشوې.
د صنعت او سوداګرۍ وزارت د واحدو خدمتونو رئيس په خپلو خبرو کې وويل چې د تخنيکي او مسلکي زده کړو ادارې يو له هغو ادارو څخه دى چې له دغه وزارت سره يې تر ټولو ښه او غوره همکاري کړې ده.
نوموړي دغه راز د ښوونیزو مرکزونو د جواز ورکولو د پروسې د ساده کولو د طرحې په اړه هم خبرې وکړې چې د صنعت او سوداګرۍ وزارت له لوري نهايي شوی دی.
د تخنیکي او مسلکي زده کړو ادارې استازو د دغه طرحې هرکلی وکړ.
د غونډې په دوام کې د تخنیکي او مسلکي زده کړو ادارې او د صنعت او سوداګرۍ وزارت ترمنځ د همکاریو پر هوکړه لیک خبرې وشوې او دواړو لورو خپل نظرونه وړاندې کړل او د هوکړه لیک سند یې لاسلیک ته چمتو کړ.
