تخنیکي او مسلکيزده کړو ادارې پلان رئیس د چيني انجنيرانو سره خبرې اترې وکړی
د تخنيکي او مسلکي زده کړو ادارې دپلان او ستراتيژيکې همغږۍ رئيس مولوي نېک محمد نېکمل د چين هېواد د بلاعوضه مرستو تخنیکي پلاوي رئیس او چیني انجینرانو سره وکتل.
په دغه کتنه کې د تخنيکي او مسلکي زده کړو له ادارې سره د چين دولت پر همکاريو خبرې وشوې.
د تخنيکي او مسلکي زده کړو ادارې د پلان او ستراتيژيکې همغږۍ رئيس د چين له دولت څخه مننه وکړه او د لا زياتو همکاريو غوښتنه يې وکړه.
ښاغلي نیکمل وویل، چې د تخنیکي او مسلکي زده کړو ادارې په انګړ کې د جومات، طعام خانې او زرغونې ساحې د جوړولو لپاره همکارۍ ته اړتیا لري.
په دوام کې چيني انجنيرانو د تأسيساتو لپاره په پام کې نیولې ساحې څخه لیدنه وکړه او د دغه تأسیساتو د جوړولو په برخه کې یې د تخنيکي همکاريو ژمنه وکړه.
د چين د دولت د بلاعوضه مرستو د تخنيکي پلاوي مشر هم وويل، چې د چين او افغانستان اړيکې تل ښې وې او هېواد يې له افغانستان سره هر ډول همکارۍ ته چمتو دی.
د يادونې وړ ده، چې د تخنيکي او مسلکي زده کړو ادارې مرکزي ودانۍ د چين بلاعوضه مرستو پر بنسټ جوړه شوې ده.
