د تخنیکي او مسلکي زده کړو ادارې اونیزه اصلاحي غونډه ترسره شوه
د تخنیکي او مسلکي زده کړو ادارې اونیزه اصلاحي غونډه د دغه ادارې د تخنیکي او مسلکي چارو مرستیال مولوي غلام سعید احساس په وینا د کارکوونکو په حضور کې ترسره شوه.
نوموړي په خپلو خبرو کې د توبې او عبادت په هکله خبرې وکړې.
ښاغلي احساس وویل چې توبه په هر مسلمان فرض ده؛ ځکه په آيت باندې ثابت او احادیثو کې یې په ترسره کیدو امر شوی دی.
تخنیکي او مسلکي چارو مرستیال ټینګار وکړ، چې د اسلامي نصوصو له مخې غوره انسان هغه دی، چې توبه وباسي.
ښاغلي احساس د عبادت په اهمیت هم خبرې وکړې او ویې ویل چې عبادت د الله تعالی سره تعظیم او محبت دی.
هغه زیاته کړه چې په عبادت کې خوښي او سکون دی.
د تخنیکي او مسلکي چارو مرستیال همدارنګه د دعوت او ارشاد رئیس د سپارښتنو پر عملي کولو او د کارکوونکو د سیرت او صورت په اصلاح باندې ټینګار وکړ.
غونډه د خیر په دعا ویلو سره پای ته ورسیده.
