د بلخ د تخنیکي زده کړو آمریت له "راه سعادت پوهنتون" سره د همکارۍ هوکړه لیک لاسلیک کړ
د بلخ ولايت د تخنيکي او مسلکي زده کړو آمر مولوي نورالله صلاح الدين اميني او د "راه سعادت پوهنتون" علمي مرستيال احمد مسعود نويد د همکارۍ هوکړه ليک لاسليک کړ.
د یاد هوکړه ليک د لاسليکولو موخه د علمي برنامو ښه کول او د زده کړیالانو لپاره د ښوونيزو ورکشاپونو جوړول دي.
همداراز د ياد هوکړه لیک د موادو پر بنسټ، د بلخ ولايت د تخنيکي او مسلکي زده کړو د مرکزونو د دولسمو او څوارلسم ټولګيو فارغان به په ځانګړي تخفيف سره "راه سعادت خصوصي پوهنتون" ته جذب شي.
