د ننګرهار د ځانګړو زده کړو مرکز ستونزې وڅېړل شوې
د ننګرهار ولایت تخنيکي او مسلکي زده کړو آمر انجنير فضل الباري نصرت د یاد ولايت له مرستيال والي مولوي محمد رباني ناصح سره وکتل او خبرې اترې يې ورسره وکړې.
په دغه کتنه کې چې د ځانګړو زده کړو مرکز ( نابینایانو او ناشنوایانو ) پر ستونزو خبرې وشوې د دغه مرکز یو شمېر زده کوونکو او استادانو هم حضور درلود.
دوی د ننګرهار د ځانګړو زده کړو مرکز د ودانۍ ستونزې د هواري او د زده کوونکو لپاره د ترانسپورت د برابرولو غوښتنه وکړه.
د ننګرهار مرستيال والي له يادو زده کوونکو سره مالي مرسته وکړه او ژمنه يې وکړه، چې د دوی ټولو ستونزو ته به پاملرنه وشي.
