د تخنيکي او مسلکي چارو مرستيال د دغه ادارې له ولایتی آمرینو سره خبرې اترې وکړې
د تخنيکي او مسلکي زده کړو ادارې د تخنيکي او مسلکي چارو مرستيال مولوي غلام سعيد احساس له ولایتي آمرینو سره خبرې اترې وکړي.
په دې کتنه کې چې د تعلیمی او تحصيلي چارو عمومي رئیس مولوي مبشر آغا هم ګډون کړى و، ولايتي آمرینو د کښېنول شویو نیالګیو د اندازې او د ساتنې په برخه کې د شويو اقداماتو په هکله راپور وړاندې کړ.
د تخنيکي او مسلکي چارو مرستيال د نيالګيو ايښودلو ارزښت ته اشاره وکړه او ويې ويل، د نيالګي ايښودل يوه جاریه صدقه ده.
ښاغلي احساس وويل چې د اسلام سپېڅلي دين مؤمنان هڅولي چې د مېوه لرونکي نيالګي کښېنوي، چې له مېوي، لرګیو او سیوري څخه يې ګټه اخیستل کېږي.
د ادارې د مقام دفتر ریاست د اطلاعاتو او عامه اړیکو آمریت له نورو رياستونو او آمریتونو سره په همغږۍ د نيالګيو ايښودلو کمپاين پيل کړی و.
د دغه کمپاین موخه د تخنیکي او مسلکي زده کړو ادارې په تعلیمي مرکزونو کې د زرغونې فضا پراخول دي.په دغه کمپاین کې څه باندې ۲۴ زره نیالګي کښېنول شوي دي.
