په کندز کې د اسلامي امارت د مجاهدینو لپاره روزنیز کورس په لاره اچول شوي
د کندز د ادارې او حسابدارۍ انسټیټوټ د اسلامي امارت مجاهدینو ته روزنیز کورس په لاره اچولی دی.
د کندز ولایت د تخنیکي او مسلکي زده کړو آمر فرید احمد لکڼ خېل وايي، د اسلامي امارت د هغو مجاهدینو لپاره چې په دولتي بستونو کې ګمارل شوي، د روزنیزو کورسونو جوړول یې لومړیتوب دی.
په دغه روزنیزو کورسونو کې د کمپیوټر، اداري او انګلیسي ژبې مهارتونه تدریس کیږي.
د تخنیکي او مسلکي زده کړو ادارې سږ کال د اسلامي امارت د نویو ګمارل شویو کارکوونکو او مجاهدینو د ظرفیت لوړولو په موخه په ۸ ولایتونو کې څه باندې دوه زره کسانو ته لنډ مهاله روزنیز کورسونه جوړ کړي دي.
