د تخنیکي او مسلکي زده کړو ادارې پلاوی د کندهار د پوهنې له رئیس سره وکتل
د تخنيکي او مسلکي زده کړو ادارې يوه پلاوي د حرفوی برنامو د تنظیم د رئيس عبدالودود هوتک په مشرۍ د کندهار ولايت د پوهنې له رئيس مولوي فخرالدين نقشبندي سره وکتل.
یاد پلاوي په کندهار کې د تخنیکي او مسلکي زده کړو د مرکزونو د بررسي کولو په موخه یاد ولایت ته سفر کړی دی.
د تخنيکي او مسلکي زده کړو ادارې د حرفوی برنامو د تنظیم رئيس د کندهار د پوهني رئيس سره د ښوونيزو او مسلکي برنامو د پراختيا په موخه د دواړو ادارو ترمنځ د همغږۍ او همکارۍ په اړه خبري وکړې.
