په پکتیا کې د تخنیکي او مسلکي زده کړو د مرکزونو د ملکیتونو ستونزې د دغه ولایت له سیمه ییزو چارواکو سره شریکې شوې

د پکتیا ولایت د تخنیکي او مسلکي زده کړو آمر غلام رسول سعیدي د دغه ولایت په اداري غونډه کې ګډون وکړ.

په دغه کتنه کې ښاغلي سعیدي د پکتیا ولایت د تخنیکي او مسلکي زده کړو د مرکزونو د لاسته راوړنو په اړه خبرې وکړې او د ځینو دغو مرکزونو د ودانیو ستونزې یې له سیمه ییزو چارواکو سره شریکې کړې.

د پکتیا سیمه ییزو چارواکو د دغه ولایت د تخنیکي او مسلکي زده کړو د مرکزونو د ستونزو د هواري په برخه کې د همکارۍ ژمنه وکړه.

د پکتیا ولایت د تخنیکي او مسلکي زده کړو آمر د دغه ولایت په اداري غونډه کې د دغه آمریت راتلونکي پلانونه شریک کړل.