په بغلان ولایت کې د ادارې او مدیریت له روزنیز پروګرام څخه د سلګونو مجاهدینو فراغت
په بغلان ولایت کې د تخنیکي او مسلکي زدهکړو ادارې د ادارې او مدیریت له روزنیز پروګرام څخه د ۴۰۰ زیاتو مجاهدینو فراغت مراسم ترسره شول.
په یادو مراسمو کې د تخنیکي او مسلکي زدهکړو ادارې رئیس الحاج مولوي غلام حیدر شهامت هم ونډه درلوده او ګډونوالو ته یې خپله وینا وکړه.
ښاغلي مولوي شهامت د خپلې وینا پر مهال وویل چې "د اشغال پر وړاندې د جهاد پر مهال مې یو له هیلو دا وه چې مجاهدینو ته د زدهکړو زمینه برابره شي، او اوس چې دغه هیله په حقیقت بدلېږي واقعاً ډېر د خوښۍ احساس لرم."
د تخنیکي او مسلکي زدهکړو ادارې محترم رئیس دا هم وویل چې د ادارې او مدیریت له روزنیز پروګرام څخه د زرګونو مجاهدینو فراغت د افغانستان.ا.ا له لویو لاستهراوړنو څخه دی.
او زیاته یې کړه چې د افغانستان.ا.ا رهبرۍ لخوا هم د دغه پروګرام هرکلی شوی دی.
محترم مولوي شهامت څرګنده کړه چې مخلص او ژمن مجاهدین د اسلامي نظام د بقا لامل دي. او د تخنیکي او مسلکي زدهکړو ادارې لخوا د مجاهدینو د روزنې پروګرام د همدې موخې ترلاسه کولو لپاره طراحي او پلي شوی دی.
په ورته وخت کې، محترم مولوي صاحب شهامت د مجاهدینو د کچې د ثبات په برخه کې د پوهنې وزارت او همدارنګه د لوړو زدهکړو وزارت د همکارۍ څخه مننه او قدردانی وکړ چې دوی ته یې د زدهکړې د دوام فرصت برابر کړی.
دا مراسم په داسې حال کې ترسره کیږي چې زرګونه کسان د تخنیکي او مسلکي زدهکړو ادارې د ادارې او مدیریت روزنیز پروګرام څخه فارغ شوي او اوس مهال په بیلابیلو سکتورونو کې په خدمت بوخت دي.
له دې مخکې هم، د هیواد مختلف ولایتونه، په شمول د خوست، ننګرهار، پکتیا، بلخ او همداسې نور ولایتونه، د تخنیکي او مسلکي زده کړو ادارې د ادارې او مدیریت روزنیز پروګرام څخه د مجاهدینو د فراغت مراسمو شاهدان وو.
