د ۱۴۰۴ کال کانکور څلورم دور ازموینې کې د مولوي غلام حیدر شهامت ګډون او وینا
د تخنیکي او مسلکي زده کړو ادارې سرپرست الحاج مولوي غلام حیدر شهامت، په کابل ولایت کې د ۱۴۰۴ کال کانکور څلورم دور ازموینې د پیل په مناسبت مراسمو کې چې د ازموینو ملي ادارې له لوري جوړ او ترسره شوي و، ګډون او وینا وکړه.
ښاغلي مولوي غلام حیدر شهامت په دې پروګرام کې د خپلو ویناوو پر مهال په اسلامي او افغانۍ روحیه سمبال د ځوانانو د ښوونې او روزنې پر ارزښت خبرې وکړې.
نوموړوي دغه راز په خپله وینا کې د افغانستان اسلامي امارت له لورې د تعلیمي برنامو ایجاد، د تعلیمي نصابونو پر معیاريتوب او د ځوانانو لپاره د غوره تعلیمي فرصتونو په برابرولو هم ټینګار وکړ.
د یادونې وړ ده چې د ۱۴۰۴ لمریز کال د کانکور ازموینې څلورم دور نن، د چنګاښ میاشتې په ۱۲ مه نیټه په کابل ولایت کې ترسره شو.
