د کونړ ولایت اړوند دره پیچ کرنې انسټیټوټ د زده کونکو له لوري د عملي روزنو د زده کړې لړۍ!
د کونړ ولایت اړوند دره پیچ کرنې مسلکي انسټیټوټ د لسم ټولګي زده کونکو ته د نور خپریدو په اړه د یوې درسي جلسې په ترڅ کې روزنه ورکړل شوه.
د فزیک مضمون استاد زده کونکو ته په مستقیم خط کې د نور خپریدو د څرنګوالي په ګډون د بیلابیلو موضوعاتو په اړه په مفصله توګه توضیحات وړاندې کړل.
په ورته وخت کې، زده کونکو په دې برخه کې خپلې پوښتنې او سوالونه له استاد سره شریکې کړې.
د تخنیکي او مسلکي زده کړو په مرکزونو کې د روزنې لویه برخه عملي ده. له همدې امله، د تخنیکي او مسلکي زده کړو مرکزونو فارغان له فراغت وروسته په مستقیم ډول د کار بازار ته جذب کیږي او یا د شغل رامینځته کولو وړتیا مومي.
په همدې منظور سره، د تخنیکي او مسلکي زده کړو ادارې رهبري تل د تخنیکي او مسلکي زده کړو په مرکزونو کې د عملي زده کړو په پیاوړتیا ټینګار کوي.
