د کاپیسا معاون انجنیرۍ انسټیټوټ د برښنا څانګې د زده کړیالانو د عملی زده کړو بهیر څخه څارنه ترسره شوه
د کاپيسا ولايت د تخنيکي او مسلکي زده کړو آمر د یاد ولايت د معاون انجینرۍ انسټیټوټ د برښنا څانګې د زده کړیالانو د پرکتیک دورې له روزنيزې دورې څخه ليدنه وکړه.
د یاد انسټیټوټ د برښنا څانګې زده کړیالان د پرکتیک دورې ترسره کولو لپاره د جبل السراج او چاريکارو برښنا بندونو ته معرفي شوي دي.
د پرکتیک دورې په ترسره کولو کې دوي ته استادان او انجینران لارښوونه کوي.
د تخنیکي او مسلکي زده کړو په مرکزونو کې تر ۶۰٪ سلنې زیاتې زده کړې عملي دي. ترڅو د یادو مرکزونو زده کونکي او زده کړیالان له دغو مرکزونو څخه تر فراغت وروسته په مستقیم ډول د کار په بازار کې جذب شي.
