د کازان په شپاړلسم پړاو نړیواله ناسته کې د مولوي غلام حیدر شهامت ګډون
الحاج مولوي غلام حیدر شهامت، د افغانستان ا.ا د تخنیکي او مسلکي زده کړو ادارې سرپرست، د کازان"روسیه او اسلامي نړۍ" په شپاړلسم پړوا نړیواله ناسته کې د ګډون لپاره روسیې هیواد ته عازم شو.
په ورته وخت کې ټاکل شوې ده چې ، د تخنیکي او مسلکي زده کړو ادارې سرپرست به په دې نړیواله ناسته کې د اسلامي هیوادونو سره په تخنیکي او مسلکي برخو کې د افغانستان د همکاریو پر پیاوړتیا خبرې وکړي.
همداراز، ښاغلی مولوي غلام حیدر شهامت روسیې هیواد ته د خپل سفر څخه وړاندې څرګنده کړه چې دا سفر د افغانستان اسلامي امارت لپاره یو فرصت دی ترڅو په بیلابیلو نړیوالو ډګرونو کې د پرمختګ او اقتصادي ځان بسیاینې لپاره هڅې وکړي.
د یادونې وړ ده چې، د کازان"روسیه او اسلامي نړۍ" نړیواله ناسته د غویې میاشتې له ۲۳مې څخه تر ۲۸مې پورې د روسیې هیواد په کازان ښار کې ترسره کیږي.
