د کابل د انسټیټونو استادانو د تخنیکي او مسلکي زده کړو ادارې د دفتر له رئیس سره وکتل
د کابل ښار د مسلکي انسټیټونو یو شمېر استادانو د تخنیکي او مسلکي زده کړو ادارې د مقام د دفتر له رئیس استاد مطیع الله هدایت سره وکتل.
په دغه ناسته کې استادانو د تخنیکي او مسلکي زده کړو د مرکزونو د کدري استادانو امتیازاتو په ګډون د خپلو ستونزو په هکله خبرې وکړې.
د تخنيکي او مسلکي زده کړو ادارې د دفتر رئيس د استادانو د ستونزو له اورېدو وروسته وويل، چې د دغه ستونزو له جملې څخه د کادري امتيازاتو ستونزه د هواري په حال کې دی.
ښاغلي هدایت د تخنیکي او مسلکي زده کړو د مرکزونو د ښوونکو د ټولو ستونزو د حل ډاډ ورکړ.
