د څارنې او ارزونې ریاست د کارمندانو لپاره د ظرفیت لوړونې ورکشاپ ترسره شو
د تخنیکي او مسلکي زده کړو ادارې اړوند د تعليمي او تحصيلي څارنې او ارزونې ریاست له لوري د استادانو د پيداګوژيکي ارزونې د نوي ترتیب شوي فورم او لارښود د تشريح لپاره ورکشاپ ترسره شو.
یاد ښوونیز ورکشاپ د تعليمي او تحصيلي څارنې او ارزونې ریاست د کارمندانو په ګډون سره ترسره شو. چې پکې د ارزونې په فورم کې د نویو بدلونونو د معرفي کولو په اړه بحث وشو.
د ورکشاپ په جریان کې، ګډونوالو خپلې تجربې شریکې کړې او همداراز خپل پوښتنې یې وړاندې ګړې، چې د اړونده مسؤلینو لخوا د نوموړو پوښتنو ته ځوابونه او اړینې لارښوونې ورکړل شوې.
د یادونې وړ ده چې د تخنیکي او مسلکي زده کړو ادارې د تعليمي او تحصيلي څارنې او ارزونې ریاست د کاري چارو د روښانه کولو او د خپلو کارمندانو د ظرفیت لوړولو لپاره په منظم ډول سیمینارونه او روزنیز ورکشاپونه جوړوي ترڅو د څارنې او ارزونې پروسه په ډیر اغیزمن او معیاري ډول ترسره شي.
