د پلان ا و ستراتیژیکي همغږۍ رئیس د خصوصي بانکونو د اتحادیې له رئیس سره خبرې اترې وکړي
د تخنیکي او مسلکي زده کړو ادارې د پلان او ستراتیژیکي همغږۍ رئیس مولوي نیک محمد نیکمل د خصوصي بانکونو د اتحادیې له رئیس نجیب الله امیری او د دغې اتحادیې له مرستیال سره وکتل.
په دغه کتنه کې د دواړو لورو ترمنځ د همکاریو پر پراختیا خبرې وشوې.
ښاغلي نیکمل د تخنیکي او مسلکي زده کړو ادارې ځانګړو زده کړو مرکزونو سره د خصوصي بانکونو د اتحادیې د همکارۍ غوښتنه وکړه.
هغه زياته کړه، چې د ځانګړو زده کړو په مرکزونو کې زرګونه نابینا او ناشنوا زده کوونکي په زده کړو بوخت دي. ښاغلي نیکمل وویل چې دغه زده کوونکي ملاتړ ته اړتیا لري.
د خصوصي بانکونو اتحاديې د تخنيکي او مسلکي زده کړو له ادارې څخه وغوښتل چې د ځانګړو زده کړو مرکزونو د اړتیاوو معلومات ورسره شريک کړي.
ښاغلي امیري ژمنه وکړه، چې د تخنیکي او مسلکي زده کړو مرکزونو په ځانګرې توګه د ځانګړو زده کړو مرکزونو لپاره به د بانکونو د ملاتړ ترلاسه کولو هڅه وکړي.
نوموړي دغه راز ژمنه وکړه، چې خصوصي بانکونه به د تخنيکي او مسلکي زده کړو د مرکزونو زده کړیالانو د بانکدارۍ په څانګه کې د عملي زده کړو او په دې برخه کې د تعليمي نصاب د پياوړتيا په برخه کې به خصوصی بانکونه همکاري وکړي.