د پلان او همغږیو له ریاست سره د مشرتابه غونډه ترسره شوه
د تخنيکي او مسلکي زده کړو ملي ادارې معاونینو او سرپرست ښاغلي الحاج مولوي غلام حيدر شهامت د یادې ادارې د پلان او ستراتيژيکو همغږیو رياست له کارکوونکو سره وکتل.
د دې غونډې محور، په تخنیکي او مسلکي زده کړو ملي اداره کې د ستونزو او ننګونو لپاره د حل لارې موندل ویل شوي.
په دې غونډه کې د تخنیکي او مسلکي زده کړو ادارې د پلان او ستراتیژیکو همغږیو ریاست مسوولینو او کارکوونکو خپل فعالیتونه، لاسته راوړنې او ستونزې د یادې ادارې له مشرتابه سره شریکې کړې.
د تخنيکي او مسلکي زده کړو ملي ادارې سرپرست په دې ناسته کې وويل، چې له کارکوونکو سره د یادې ادارې مشرتابه د ناستې موخه د چارو ښه کول دي، ترڅو له شته ظرفيتونو څخه په سمه او اغېزمنه توګه ګټه پورته شي.
نوموړي د پلان او استراتیژیکو همغږیو رياست د کارکوونکو د فعاليتونو د ستاينې تر څنګ نومړو ته لازمې هدایات هم ورکړل.
ټاکل شوې چې دغه شان غونډې به د تخنیکي او مسلکي زده کړو ملي ادارې له نورو برخو سره هم ترسره شي.
