د پلان او ستراتیژی رئیس او د اسلامي آزاد پوهنتون رئیس ترمنځ خبرې اترې
مولوي نېک محمد نېکمل، د تخنیکي او مسلکي زده کړو د ادارې د پلان او ستراتیژیکو همغږیو رئیس د «دانشگاه آزاد اسلامی واحد افغانستان» له رئیس ډاکټر بهروز جهان تیغ سره کتنه او خبرې اترې وکړې.
په دغه ناسته کې دواړو لورو، د ګډو مرستو په هکله خبرې وکړې.
ښاغلي نېکمل په یایده غونډه کې، د فرهنګ شریکوالي ته په اشارې سره وویل چې ایران د افغانستان لپاره همېشه دوست او ښه ګاونډی و.
همدارنګه د پلان او ستراتیژیکو اړیکو رئیس زیاته کړه چې افغانستان سختې مرحلې تېرې کړې دي، او دغه هېواد لا زیات کار کولو ته اړتیا لري.
په ادامه کې، ډاکټر بهروز جهان تیِغ د «دانشگاه آزاد اسلامی واحد افغانستان» رئیس خبرې وکړې او د تخنیکی او مسلکي زده کړو له ادارې سره د علمي او تجارتي مرستو په هکله یې اطمینان ورکړ.
د تخنیکي او مسلکي زده کړو ادارې او «دانشگاه آزاد اسلامی واحد افغانستان» ترمنځ په ننی ناسته کې پرېکړه وشوه ترڅو یو ګډ کاري ګروپ د تفاهمنامې په امضا کولو سره د دواړو نهادونو ترمنځ د همکاری زمینه برابره کړي.
