د لغمان ولایت اړوند مرکز تخنیکي او مسلکي لیسې زده کوونکو ته د بریښنايي اتصال په اړه روزنه ورکړل شوه
د لغمان ولایت د مرکز اړوند تخنیکي او مسلکي لېسې د برښنا څانګې لسم ټولګي زده کوونکو ته د برښنایي اتصال په اړه په عملي بڼه روزنه ورکړل شوه.
لارښود استاد د درس په ترڅ کې زده کوونکو ته د دایمي برښنایي اتصال او لحیم کارۍ په اړه مفصل توضیحات ورکړل او د نوموړو پوښتنو ته یې ځوابونه وویل.
عملي زده کړې د تخنیکي او مسلکي زده کړو په مرکزونو کې د روزنې لویه برخه جوړوي چې د دې روزنو پر بنسټ د تخنیکي او مسلکي زده کړو د مرکزونو فارغان له فراغت وروسته په مستقیم ډول د کار بازار ته جذبېږي.
دا په داسې حال کې ده چې اوس مهال برېښنا د یوې ټولنې له اساسي اړتیاوو څخه ګڼل کېږي او نړیوال په خپلو ډېرو چارو کې له برېښنايي وسایلو څخه کار اخلي.
