د فارغانو د فراعت او د قرآن عظیم الشان حافظانو د دستاربندی مراسم په روڼ اندو انسټیټوټ کې ترسره شول
د روڼ اندو (ړندو) انسټیټوټ د فارغانو د فراغت او د حافظانو د دستاربندی مراسم د تخنیکي او مسلکي زده کړو ادارې د سرپرست مولوي غلام حیدر شهامت په حضور کې ترسره شول.
دغو فارغانو د قرآنکريم د حفظ او عمومي زده کړو له څانګو څخه د فراغت سندونه ترلاسه کړل.
په دې مراسمو کې د تخنیکي او مسلکي زده کړو ادارې سرپرست مولوي غلام حیدر شهامت وویل: نن له علم سره د جهاد ورځ ده. نوموړي همدا راز له فارغانو څخه وغوښتل، هغه زده کړې چې دوی تر لاسه کړی پر هغې عمل وکړي.
مولوي شهامت همدا راز زیاته کړه: د تخنیکي او مسلکي زده کړو ادارې د روڼ اندو (ړندو) قشر د لا زیاتو ښوونیزو خدمتونو د وړاندې کولو مستحق ده او موږ په دې برخه کې هڅې کوو.
د مراسمو په پای کې فارغانو ته تصدیق پاڼې ورکړل شول.
