د غور تخنیکي انسټیټوټ زده کوونکو له لوري د عملي روزنو د زده کړو لړۍ
د روزنیزو دورو په ترڅ کې د عملي روزنو زده کړه له زده کوونکو سره د کار رغونې او د کار په بازار کې د کاري فرصتونو په ترلاسه کولو کې مرسته کوي.
د دې روزنو اهمیت ته په پام سره، د غور ولایت اړوند تخنیکي او مسلکي انسټیټوټ د ساختماني څانګې، یوولسم ټولګي زده کوونکو د عملي زده کړو لپاره د یو علمي سفر په چوکات کې د نوموړي ولایت مرکز ته لاړل او د ساختمان د سیخ بندۍ په اړه یې په عملي بڼه روزنه ترلاسه کړه.
نوموړو د عملي زده کړو په جریان کې د عملي کارونو په ترسره کولو سره خپله پوهه زیاته کړه او خپلې پوښتنې او سوالونه یې هم له لارښود استاد سره شریکې کړې.
د تخنیکي او مسلکي زده کړو په مرکزونو کې د روزنې ډیری برخه عملي ده، په همدې اساس د تخنیکي او مسلکي زده کړو مرکزونو فارغان په مستقیم ډول د کار بازار ته جذب کیږي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو پروسه پیاوړې کړي.
