د شمال زون د تخنیکي زدهکړو مرکزونو کارکوونکو لپاره د ظرفیت لوړونې پروګرام ترسره شو
د تخنیکي او مسلکي زدهکړو ادارې د استادانو مسلکي پراختیا ریاست د شمال زون د تخنیکي زدهکړو مرکزونو کارکوونکو او آمرینو لپاره د ظرفیت لوړونې پروګرام ترسره کړ.
دا درې ورځنی پروګرام د تخنیکي او مسلکي زدهکړو ادارې د شمال زون ریاست په همکارۍ جوړ شوی و، چې پکې د تخنیکي او مسلکي زدهکړو مرکزونو آمرینو او تدریسي مدیرانو ګډون کړی وو.
د شمال زون مسؤلین وایي، یاد روزنیز پروګرام د پلان جوړولو، راپور ورکولو او همدارنګه اداري او تدارکاتي چارو په برخو کې تنظیم شوی و، څو د مرکزونو د کارونو اغېزمنتیا لا زیاته شي.
ګډونوالو د دې ډول پروګرامونو ترسره کېدل د ظرفیت لوړونې او د اداري چارو ښه والي لپاره ګټور وبلل او د ورته روزنیزو پروګرامونو پر دوام یې ټینګار وکړ.
