د دعوت او ارشاد ریاست ناسته د تخنیکي او مسلکي زده کړو ادارې له رئیسانو سره ترسره شوه
د تخنیکي او مسلکي زده کړو ادارې د دعوت او ارشاد ریاست غونډه د مالي او اداري چارو مرستیال مفتي فضل الرحمن فاضل او د دغه ادارې د یو شمېر رئیسانو په حضور کې ترسره شوه.
په دغه کتنه کې د دعوت او ارشاد رئيس مفتي نجم الدين حقاني د دغه ریاست فعاليتونو ته په اشارې سره وويل چې لا هم ځينو کارکوونکو سپارښتنې جدي نه دي نيولي او خپل سیرت او صورت يې له نبوي سنتو سره سم کړی نه دی.
ښاغلي حقاني وویل، چې رئیسان دې هم د دعوت او ارشاد ریاست د احکامو او سپارښتنو په تطبیق کې همکاري وکړي.
د تخنيکي او مسلکي زده کړو ادارې مالي او اداري چارو مرستيال مفتي فضل الرحمن فاضل هم د دعوت او ارشاد رياست سره د رئيسانو پر همکارۍ ټينګار وکړ او ويې ويل، چې نیکیو ته امر کول د هر مسلمان دنده ده.
د غونډې په دوام کې رئیسانو هم خپل نظرونه څرګند کړل ترڅو اصلاحي او ارشادي سپارښتنې د امکان تر حده عملي شي.
