د خوست ولایت سوداګرۍ او پانګونې اطاق ته د تخنیکي او مسلکي زده کړو ادارې اړوند محصلینو علمي سفر
علمي سفرونه د نظري زده کړو او د کاري او صنعتي چاپیریال د نښلولو لپاره له خورا اغیزمنو لارو څخه ګنل کېږي. په ښوونیزو چاپیریالونو، په ځانګړي توګه د تخنیکي او مسلکي زده کړو په مرکزونو کې، عملي زده کړې د محصلینو د مهارتونو په لوړولو او د کار بازار لپاره د هغوی په چمتو کولو په برخه کې کلیدي رول لوبوي.
په همدې اساس، د خوست ولایت اړوند مرکز کثیرالرشتوي انسټيټوټ د ادارې او تجارت څانګې محصلینو د یاد ولایت سوداګرۍ او پانګونې اطاق څخه د لیدنې په ترڅ کې په عملي بڼه روزنه ترلاسه کړه.
لارښود استاد د دې علمي سفر په ترڅ کې، محصلینو ته سوداګرۍ، پانګونې او اقتصادي ودې په اړه مفصل توضیحات وړاندې کړل او د نوموړو پوښتنو ته یې هم ځوابونه ورکړل.
د عملي روزنو زده کړه محصلینو سره مرسته کوي چې هغوی مطالب په ژوره توګه او علمي مفاهیم په ډیر کاربردي او عملي ډول درک کړي.
