د خوست ولایت د تخنیکي زده کړو آمریت او دعوت پوهنتون ترمنځ تفاهم لیک لاسلیک شو
د خوست ولایت د تخنیکي او مسلکي زده کړو آمریت په یاد ولایت کې د دعوت پوهنتون له استازو سره د ګډو همکاریو تفاهم لیک لاسلیک کړ.
د دې تفاهم لیک د لاسلیک کولو څخه موخه د دواړو بنسټونو ترمنځ د ګډو همکاریو پراختیا ده.
دغه راز، د محصلینو او استادانو لپاره د علمي سیمینارونو جوړول، د محصلینو له لوري د دعوت پوهنتون له کمپیوټرلب، کتابتون او نورو تعلیمي تجهیزاتو څخه د عملي زده کړو د پرمختګ په موخه کار اخیستل د دې تفاهم لیک له موادو څخه دي.
دا په داسې حال کې ده چې د تخنیکي او مسلکي زده کړو ادارې رهبری په دوامداره توګه هڅه کوي چې د خصوصي او حکومتي بنسټونو سره د تفاهم لیکونو په لاسلیک کولو سره د تخنیکي او مسلکي زده کړو مرکزونو متعلمینو او محصلینو ته د پرمختللو زده کړو زمینه مساعده کړي.
