د خوست ولایت تخنیکی او مسلکی زده کړو آمر د یوناما استازو سره وکتل
دخوست ولايت تخنيکي او مسلکي زده کړو امر عابد الرحمن عابد په هغه غونډه کې چې دملګرو ملتونو دمرستندويه پلاوي (يوناما) داستازو په شتون کې جوړه شوې وه ګډون وکړ.
ښاغلي عابد په دې غونډه کې چې د خوست ولایت اطلاعاتو او فرهنګ په رياست کې جوړه شوې وه، د تخنيکي او مسلکي زده کړو ادارې د تاریخچې په اړه خبرې وکړې او په دې برخه کې يې بشپړ معلومات وړاندې کړل.
په خوست کې د تخنيکي او مسلکي زده کړو امر د تخنيکي او مسلکي مرکزونو نيمګړتياوې او اړتياوې د يوناما دفتر له چارواکو سره شريکې کړې.
په پاى کې يې د غونډې له ټولو ګډونوالو وغوښتل چې د تخنيکي او مسلکي زده کړو په پراختيا کې همکاري وکړي.
