د حشره وژونکو موادو په برخه کې د سرپل کرنې او وترنرۍ انسټیټوټ محصلینو د عملي زده کړو بهیر
د سرپل ولایت اړوند کرنې او وترنرۍ انسټيټوټ د کرنې څانګې محصلینو ته د یاد ولایت په مرکز او د یوې درسي جلسې په ترڅ کې د «حشره کشونو د ډولونو» په اړه په عملي بڼه روزنه ترلاسه کړه.
نوموړو ته په دې درسي جلسه کې، د استاد له لوري د «حشره کشونو د ډولونو، کیمیاوي کوډونو او د حیواني درملو د قیمتونو» په اړه په عملي ډول زده کړه ترلاسه کړه او د موضوع په اړه یې خپلې پوښتنې او سوالونه هم شریک کړل.
دغه راز په دوام کې لارښود استاد د حشره وژونکو موادو په برخه کې د محصلینو پوښتنو ته مفصل ځوابونه ورکړل.
د تخنیکي او مسلکي زده کړو په مرکزونو کې د روزنې ډیری برخه عملي ده، څرنګه چې د تخنیکي او مسلکي زده کړو مرکزونو فراغان په مستقیم ډول د کار بازار ته جذب کیږي.
له همدې امله، د تخنیکي او مسلکي زده کړو ادارې رهبري تل د تخنیکي او مسلکي زده کړو په مرکزونو کې د عملي زده کړو پر پیاوړتیا ټینګار کوي.
