د حرفوي برنامو د سمون ریاست خپل کاري راپور وړاندې کړ
د تخنيکي او مسلکي زده کړو ادارې د حرفوي برنامو د سمون رئيس خپل يو کلن کاري راپور د دغې ادارې د تخنيکي او مسلکي چارو معاونیت ته وړاندې کړ.
د تخنيکي او مسلکي زده کړو ادارې د حرفوي برنامو دسمون رياست مسؤلينو په يوه غونډه کې د دغې ادارې تخنيکي او مسلکي مرستيال ښاغلي مولوي غلام سعيد احساس ته د دغه رياست د يو کال لاسته راوړنو او فعاليتونو راپور وړاندې کړ.
په ورته وخت کې دوی خپلې ځینې ستونزې او اړتیاوې له ښاغلي مولوي غلام سعید احساس سره هم شریکې کړې.
ښاغلي مولوي احساس د تخنیکي او مسلکي زده کړو ادارې د حرفوي برنامو د سمون ریاست د فعالیتونو او لاسته راوړنو قدرداني وکړه او په هېواد کې یې د حرفوي برنامو د پراختیا په اړه ډاډ ورکړ.
