د تخنیکی او مسلکی زده کړو ادارې سرپرست د تجدید وړ انرژۍ له رئیس سره وکتل
د تخنيکي او مسلکي زده کړو اداې سرپرست مولوي غلام حيدر شهامت د تجدید وړ انرژۍ د اتحاديې له رئيس شريف عظيمي سره وکتل.
په دې کتنه کې د انرژۍ او اوبو د انسټیټوټ او د تجدید وړ انرژۍ د اتحادیې ترمنځ د همکارۍ په اړه خبرې وشوې.
د تجدید وړ انرژۍ د اتحادیې مشر د غه اتحادیې د کړنو په هکله خبرې وکړې او ویې ویل، چې دا مهال په هیواد کې د تجدید وړ انرژۍ په برخه کې ۱۵۰ فعال شرکتونه په کار بوخت دی.
ښاغلي عظيمي وويل، چې په هېواد کې بهرنۍ شرکتونه هم پانګونې ته هڅوي.
نوموړي د انرژۍ او اوبو د انسټیټوټ د استادانو او زده کړیالانو د ظرفیتونو د لوړولو په برخه کې د همکارۍ ډاډ ورکړ.
د تخنيکي او مسلکي زده کړو ادارې سرپرست وويل، چې د هغه هوکړه لیک پر بنسټ، چې مخکې لاسليک شوى و، د تجديد وړ انرژۍ اتحاديې د انرژۍ او اوبو د انسټیټوټ د زده کړیالانو لپاره د عملي کار زمينه برابره کړه.
ښاغلي شهامت زیاته کړه چې د همکاریو د هماهنګۍ او اغېزمنتیا لپاره باید د تجدید وړ انرژۍ د اتحادیې د تخنیکي او مسلکي زده کړو د ادارې ترمنځ یو نوی هوکړه لیک لاسلیک شي.
