د تخنیکي او مسلکي چارو مرستیال د یونسکو سازمان له استازو سره خبرې اترې وکړې
د تخنیکي او مسلکي زده کړو ادارې تخنیکي او مسلکي چارو مرستیال مولوي غلام سعید احساس د ملګرو ملتونو د علمي، فرهنګي او ښوونیز سازمان (یونسکو) له استازو سره آنلاین خبرې اترې وکړې.
د یونسکو استازو طارق ساعی او عارف الله عارفي له ښاغلي احساس سره د تخنیکي او مسلکي زده کړو د مرکزونو د احصائيې د راټولولو په موخه ولایتونو ته د تخنیکي او مسلکي زده کړو ادارې د ټیمونو د استولو په هکله خبرې وکړې.
دا پروګرام د یونسکو، پروژې (ATR) په ملاتړ او د تخنیکي او مسلکي زده کړو اداري لخوا ترسره کیږي.
د تخنيکي او مسلکي چارو مرستيال د يونسکو له همکاريو څخه مننه وکړه او د احصائیې اطلاعاتو د راټولولو برنامې د ښه تطبيق په برخه کې يې د دغه اداره د همکارۍ ډاډ ورکړ.
