د تخنیکي او مسلکي زده کړو په اداره کې د سیرت النبي (ﷺ) د سیرت د آزموینې ګټونکو د تقدیر برنامه ترسره شوه
د تخنيکي او مسلکي زده کړو ادارې مشرتابه د دې ادارې د سيرت النبي (ﷺ) د آزموينې لس تنه مخکښان تقدیر کړل.
په دغې برنامه کې د تخنیکي او مسلکي زده کړو ادارې سرپرست مولوي غلام حیدر شهامت وینا وکړه او ویې ویل، چې مسلمانان د رسول الله (ﷺ) د سنتو لاندې ژوند کولو باندې مکلف دي.
دغه راز ښاغلي شهامت زیاته کړه چې ځوانان د اسلام په تاریخ کې لوړ مقام لري. نوموړي همدارنګه زیاته کړه چې "اوس مهال د اسلامي ټولنې ستونزه دا ده چې له خپل اصل څخه لیرې ده، او دوی باید بیرته د خدای (ﷻ) او پیغمبر (ﷺ) اصل ته راستانه شي."
ښاغلي مولوي شهامت ټینګار وکړ چې ځوانان باید په ټولو چارو کې د حضرت محمد (ﷺ) تګلارې پلي کړي.
د برنامې په پای کې مخکښانو ته جایزې هم ورکړل شوې.
