د تخنیکي او مسلکي زده کړو مرکزونو د آمرینو او نظارتي مدیرانو د ظرفیت لوړولو پروګرام دوام لري
د ولایتونو د تخنیکي او مسلکي زده کړو مرکزونو آمرینو او نظارتي مدیرانو د ظرفیت لوړولو پروګرام، چې د کب میاشتې په څلورمه نیټه د کارکوونکو چارو ریاست په نوښت پیل شوی و، نن هم دوام لري.
د دې پروګرام د ترسره کولو موخه د ولایتونو د تخنیکي او مسلکي زده کړو آمریتونو مسؤلینو ته د ښوونیزو سیمینارونو وړاندې کول دي.
ټاکل شوې چې نن ورځ به، د دعوت او ارشاد ریاست، د کارکوونکو چارو ریاست، او د متعلمینو او محصلینو چارو ریاست د دې پروګرام په ترڅ کې خپل ښوونیز سیمینارونه د پرزینتشن په توګه د ولایتونو د تخنیکي او مسلکي زده کړو آمرینو او نظارتي مدیرانو ته وړاندې کړي.
د یادونې وړ ده چې د تخنیکي او مسلکي زده کړو مرکزونو د آمرینو او نظارتي مدیرانو د ظرفیت لوړولو پروګرام به د کب میاشتې تر لسمې نېټې پورې دوام وکړي.
