د تخنیکي او مسلکي زده کړو فارغانو ته د تشبث سیمینار جوړ شو
د تخنیکي او مسلکي زده کړو ادارې د «ایلسو» مؤسسې په همکاری، د تخنیکي او مسلکي زده کړو فارغانو ته په کابل ولایت کې د تشبث سمینار وړاندې کړ.
په دغه پروګرام کې د کابل ولایت د تخنیکي او مسلکې زده کړو ۱۰۰ تنه فارغینو ګډون کړی و، په هغه کې ښاغلي سیدمحسن عابل، د استقلال پوهنتون علمي مرستیال، ګډون کوونکو ته د تشبث د څرنګوالي په هکله معلومات وړاندې کړل.
د استقلال پوهنتون علمي مرستیال په یادو مراسمو کې ټینګار وکړ، چې د تخنیکي او مسلکي زده کړو فارغینو د تشبث پربنسټ د کورنیو اقتصاد ښه کیږي او بېوزلي کمیږي.
د تخنیکي او مسلکي زده کړو ادارې مشرتابه همېشه هلې ځلې کوي، ترڅو د بېلابېلو پروګرامونو په لار اچولو سره د تخنیکي او مسلکي زده کړو مرکزونو فارغینو ته د کارموندنې فرصتونه برابر کړي.
