د تخنیکي او مسلکي زده کړو ادارې ښوونیز مرکزونو د استادانو لپاره د ظرفیت لوړونې پروګرام جوړ شو
د تخنیکي او مسلکي زده کړو ادارې اړوند د استادانو او ښوونکو د ظرفیت لوړونې ریاست د خاتم النبیین پوهنتون په همکارۍ سره د تخنیکي او مسلکي زده کړو مرکزونو د استادانو لپاره د ظرفیت لوړونې پروګرام جوړ کړ.
په یاد پروګرام کې د کابل ولایت د تخنیکي او مسلکي زده کړو مرکزونو شاوخوا ۲۸ تنه استادانو برخه اخیستې وه، چې د "نوي تدریسي میټودونو" په اړه یې زده کړې ترلاسه کړې.
دا په داسې حال کې ده چې د تخنیکي او مسلکي زده کړو ادارې د استادانو او ښوونکو د ظرفیت لوړونې ریاست له دې وړاندې هم د تخنیکي او مسلکي زده کړو مرکزونو د استادانو د ظرفیت لوړونې بېلابېل پروګرامونه ترسره کړي دي.
