د تخنیکي او مسلکي زده کړو ادارې ځانګړې زده کړې؛ ښوونې او روزنې ته د نابینایانو او ناشنوایانو لاسرسی
د تخنیکي او مسلکي زده کړو ادارې ځانګړې زده کړې؛ ښوونې او روزنې ته د نابینایانو او ناشنوایانو لاسرسی
د نابینایانو او ناشنوایانو ښوونې او روزنې ته د لاسرسي په موخه ۱۶ ښوونیز مرکزونه د تخنيکي او مسلکي زده کړو ادارې ځانګړو زده کړو په برخه کې فعاليت کوي. په دغو مرکزونو کې د نجونو په ګډون څه باندې دوه زره نابینا او ناشنوا زده کوونکي په زده کړو بوخت دي.
په کابل او ولایتونو کې دوه انسټیټونه او ۱۴ ښوونځي یاد مرکزونه تشکیلوي.
د خاصو زده کړو په مرکزونو کې د نابینایانو په برخه کې ۵۸۰ تنه نابینا زده کوونکي چې ۳۹۷ یې نارینه او ۱۸۳ یې ښځینه دي په زده کړو بوخت دي.
همدارنګه د ناشنوایانو په برخه کې ۱۴۹۰ تنه ناشنوا زده کوونکي چې ۹۵۲ نارینه او ۵۳۸ یې ښځینه دي روزل کیږي.
د ځانګړو زده کړو روزنه څه ډول ده؟
په هغو مرکزونو کې چې د نابینایانو زده کوونکو لپاره ځانګړي شوي، د تدریس بهیر یې د بریل خط ترتیب شويو ښوونیز مواد او کمپیوټري وسایلو په کارولو سره ترسره کیږي.
په کابل کې د نابینایانو د مسلکي انستیتیوت استاد همایون عزیزي وايي، چې زده کوونکو ته یې د نابینایانو لپاره ځانګړي کمپیوټري وسایل چمتو کړي او دوی د غږ له لارې زده کړې کوي.
په کابل کې د نابینایانو په انسټیټوټ کې ۲۵۰ تنه زده کوونکي په زده کړو بوخت دي.
دا انسټيټوټ د اسلامي زده کړو، عمومي زده کړو او مسلک او حرفې په ګډون دری ډیپارټمنټونه لري.
د اسلامي زده کړو په ډیپارټمنټ کې زده کوونکي قرآن کریم حفظ کوي او داسې نور اسلامي تعلیمات زده کوي.
د عمومي زده کړو په برخه کې، د ښوونځي مضامین هم تدریس کیږي.
د حرفې او مسلک برخه کې نابینا زده کوونکي د کسب او حرفې په ګډون اوبدل زده کوي.
د ناشنوایانو لپاره د ځانګړو زده کړو په مرکزونو کې د تدریس بهیر په اشاروي ژبه ترسره کیږي.
د کتابونو په ګډون په اشارو ژبه کې ښوونیز مواد هم د ناشنوایانو زده کونکو لپاره موجود دي.
همدارنګه ناشنوا زده کونکي د هنر په برخه کې چې له دې جملې څخه نقاشې دی په زده کړو بوخت دي.
په دې وروستیو کې د کابل د ناشنوایانو په انسټیټوټ کې د خیاطۍ لنډ مهاله کورس په لاره اچول شوی و.
په پام کې ده چې دا پروګرام پراخ شي او څانګې به یې هم زیاتې شي.
د بریل خط چاپ خونه
تخنیکي او مسلکي زده کړو اداره نابینا زده کوونکو ته د ښوونیزو موادو د برابرولو په موخه د بریل خط مطبعه هم لري.
دغه مطبعه، په هیواد کې یوازینۍ د بریل خط چاپ خونه ده.
در این مطبعه مواد آموزشی برای تمام مراکز تعلیمات خاص در بخش ناشنوایان چاپ میشود.
په دغه چاپ خونه کې د ناشنوایانو په برخه کې د ټولو خاصو زده کړو مرکزونو لپاره ښوونیز مواد چاپ کیږي
