د تخنیکي او مسلکي زده کړو ادارې سرپرست د هرات له والي سره لیدنه او خبرې اترې وکړې
الحاج مولوي غلام حیدر شهامت، د تخنیکي او مسلکي زده کړو ادارې سرپرست په یورسمي سفر کې هرات ولایت ته لاړ، او د دغه ولایت له والي شیخ الحدیث مولانا نوراحمد اسلام جار سره لیدنه او خبرې اترې وکړې.
د دغه خبرو اترو محور په دغه ولایت کې د تخنیکي او مسلکی زده کړو مرکزونو د ستونزو حل کول و.
د دې ترڅنګ، دواړو لورو د مجاهدینو د روزنې د طرحې په عملي کولو خبرې او بحث وکړ.
په همدې حال کې د تخنیکي او مسلکي زده کړو ادارې سرپرست په دغه سفر کې د لاسته راوړنو او د هرات ولایت د خلکو ستونزو حل کولو ته په اشارې سره وویل په نږدې راتلونکي کې د هرات ولایت « اسلام قلعه او تورغونډۍ» سیمو کې دوه انستیتونه جوړیږي.
د دغه ناستې په ادامه کې د هرات والي د تخنیکي او مسلکي زده کړو سرپرست ته ښه راغلاست ووایه، او د تخنیکي او مسلکي زده کړو ادارې له لاسته راوړنو یې ستاینه وکړه.
د هرات والي د تخنیکي او مسلکي زده کړو ادارې له خوا د مجاهدینو روزنې د طرحې ستاینه وکړه.
