د تخنیکي او مسلکي زده کړو ادارې د پلان او همغږۍ رئیس معرفي شو
ښاغلی ډاکټر محمد لایق د یو لړ مراسمو په ترڅ کې د پلان او ستراتیژیکو همغږیو د رئیس په توګه د تخنیکي او مسلکي زده کړو د اداري او مالي مرستیال مفتي فضل الرحمن فاضل لخوا معرفي او خپله دنده یې پیل کړه.
نوموړی د اقتصاد په برخه کې د دوکتورا سند لري او د ادارې او مدیریت په برخه کې یې د ماسټرۍ سند ترلاسه کړی دی.
د مالي او اداري چارو مرستيال د پلان ریاست د تخنيکي او مسلکي زده کړو ادارې د ملا تیر په توګه یاد کړ او د یادې ادارې د بیلابیلو برخو ترمنځ يې د همکارۍ او همغږۍ د لا پياوړتيا غوښتنه وکړه.
له بلې خوا د پلان او استراتیژیکو همغږیو رئيس وويل، هڅه کوي چې په دې دریځ کې خپل مسووليتونه په سمه توګه ترسره کړي.
