د تخنیکي او مسلکي زده کړو ادارې د نصاب او ښوونکو د روزنې ریاست راپور وړاندې شو

په دغې ناسته کې د تخنیکي او مسلکي زده کړو ریاست د نصاب او ښوونکو د روزنې رئیس ښاغلي انجنیر احمد نبي نایل د دغه ریاست کاري راپور د دغې ادارې د تخنیکي او مسلکي چارو مرستیال ښاغلي مولوي غلام سعید احساس ته وړاندې کړ.

په دغې کتنه کې ښاغلي انجنیر احمد نبي نایل د نصاب او ښوونکو د روزنې ریاست د لاسته راوړنو او فعالیتونو په اړه معلومات ورکړل.

نوموړي دغه راز د نصاب او ښوونکو د روزنې ریاست ستونزې او ننګونې د تخنیکي او مسلکي چارو له مرستیال سره شریکې کړې.

ښاغلي مولوي غلام سعید احساس د تخنیکي او مسلکي زده کړو ادارې د نصاب او ښوونکو د روزنې ریاست هڅې او فعالیتونه وستایل او زیاته یې کړه چې د ښوونیز نصاب په برخه کې باید لا زیات کار وشي.