د تخنیکي او مسلکي زده کړو ادارې د اکاډمیک بورد ناسته جوړه شوه
د تخنیکي او مسلکي زده کړو ملي ادارې د اکاډمیک بورد ناسته د یادې ادارې د تخنیکي او مسلکي چارو مرستیال ښاغلي مولوي غلام سعید احساس په مشرۍ جوړه شوه.
ددې ناستې په پیل کې د اکاډمیک بورد د تېرې غونډې د پرېکوړو په اړه خبرې شوې او اړوندو څانګو د خپلو کړنو راپورونه وړاندې کړل.
د غونډې په دوام کې د آجندا سره سم د نويو څانګو د زیاتولو او د کار بازار د تحلیل په اړه هم بحث وشو او ګډون کوونکو په دې برخه کې خپل نظریات شریک کړل.
د اکادمیک بورډ په غونډه کې پر یو شمېر اړوندو نورو تخنیکي او مسلکي مسایلو هم خبرې وشوې او غونډه د دعایې په ویلو سره پای ته ورسېده.
