د تخنیکي او مسلکي زده کړو ادارې د اکاډمیک بورد ناسته ترسره شوه
د تخنیکي او مسلکي زده کړو ادارې د اکاډمیک بورد ناسته د یادې ادارې د تخنیکي او مسلکي چارو مرستیال ښاغلي مولوي غلام سعید احساس په مشرۍ ترسره شوه.
ددې ناستې په پیل کې د اکاډمیک بورد د تېرې غونډې د پرېکړو په اړه خبرې وشوې او اړوندو څانګو د خپلو کړنو راپورونه وړاندې کړل.
دغه راز د غونډې په دوام کې د آجندا سره د نوښت او کارآفریني طرحو د پراختیا لپاره د رهنمود ترتیبول او همدارنګه د اکاډمیک چارو د انسجام بورډ د مسودې پر لایحې هم خبرې وشوې.
د نننۍ ورځې د اکاډمیک بورډ په غونډه کې ګډونوالو خپل نظرونه او لیدلوري شریک کړل او لازمي تصمیمونه هم ونیول شول.
د اکادمیک بورډ په ناسته کې پر یو شمېر اړوندو نورو تخنیکي او مسلکي مسایلو هم خبرې وشوې او همدارنګه په یاد شویو برخو کې لازمي تصمیمونه هم ونیول شول او غونډه د دعایې په ویلو سره پای ته ورسېده.
