د تخنیکي او مسلکي زده کړو ادارې اونیزه اصلاحي غونډه ترسره شوه
د تخنیکي او مسلکي زده کړو ادارې اونيزه اصلاحي غونډه دکارکوونکو په شتون او ددغې ادارې د دعوت او ارشاد ریاست د مدرس مولوي سيد احمد په وينا ترسره شوه .
نوموړي په خپلو خبرو کې د دعا او د هغې په فضیلت خبرې وکړې.
مولوي سید احمد د احادیثو له نظره د دعا اهمیت ته په اشارې سره وویل چې دعا یوازینی عبادت دی چې په عباداتو کې د مغز رول لري.
هغه زیاته کړه، دعا د ستونزو د حل او حاجتونو د پوره کولو مغز دي.
مولوي سید احمد ټینګار وکړ چې دعا باید په اخلاص او پاک نیت سره وشي او "هغه څه چې ویل کیږي باید په زړه کې هم وي".
